Aðalmót SJÓAK 16.- 17. ágúst 2024

Ágæti veiðifélagi

þá er komið að Aðalmóti SjóAk sem gildir í keppninni til Íslandsmeistara 2024 og jafnframt er þetta 60 ára afmæli SjóAk. Þetta mót er næstsíðasta mótið í mótaröðinni 2024. Róið er frá Dalvík. Keppt verður í blönduðum sveitum. Þetta árið verður boðið upp á eins dags veiði ef keppendur kjósa svo.

Mótaskrá

Fimmtudagur 15. ágúst 2024

19:30   Safnaðarheimili Dalvíkurkirkju opnar fyrir mótsetningu.
20:00   Borðhald hefst og mótsgögn afhent.

Föstudagur 16. ágúst

05:30   Mæting á Dalvíkurbryggju.
06:00   Lagt af stað til veiða í 6 klst með sömu takmörkunum og í fyrra (þegar siglt hefur verið í 17 sjómílur byrjar veiðitíminn að telja) báða daga.
15 mín verða veittar í hafnarveiði.
Kaffi og bakkelsi verða við bryggju við heimkomu.
19:00   Móttaka í brugghúsi Kalda á Árskógssandi með léttum veitingum, einnig verða tölur dagsins birtar á sjol.is.

Laugardagur 17. ágúst

05:40   Mæting á Dalvíkurbryggju.
06:00   Lagt af stað til veiða með sama fyrirkomulagi og á föstudeginum, 6 klst veiði eftir 17 sjómílna siglingu.
15 mín verða veittar í hafnarveiði.
Kaffi og bakkelsi verða við bryggju við heimkomu.

Lokahóf og jafnframt 60 ára afmælisteiti SjóAk

Rúta verður frá Dalvík og Árskógssandi, fyrirkomulag tilkynnt á setningu.
Múlaberg opnar sínar dyr kl. 19:30.
Teitið sett kl. 20:00.
Borðhald hefst 20:10.
Verðlaunaafhendingar og heiðursveitingar fylgja svo í kjölfarið.

Öllum SjóAk meðlimum og mökum þeirra er boðið á lokahófið.

Mótsgjald er 15.000 og fylgir því einn miði á lokahófið, aukamiði kostar 5.000.

Þátttaka tilkynnist til formanns þíns félags í síðasta lagi þriðjudaginn 6. ágúst. Látið formanninn ykkar vita hvort þið viljið nýta eins dags veiði, þá hvorn daginn, hvort þið viljið rútuferð, aukamiða og hvort þið komið á lokahófið og móttökuna í Kalda.

ATH: keppendur sjá sjálfir um nesti og drykkjarföng um borð.